ആരാകാനാണ് മോഹമെന്ന് മാഷ് ചോദിച്ചപ്പോള്
കുഞ്ഞീഷ്ണന് പറഞ്ഞത് കവിയാകണമെന്നായിരുന്നു
എന്തു കൊണ്ട് കവി?
എന്തു കൊണ്ട് കവിത?- മാഷ്ക്ക് അങ്ങനെ വിടാനാവുമോ.
പാവം കുഞ്ഞീഷ്ണന്
അവന് സ്ലേറ്റ് മലത്തിക്കാണിച്ചു
അതില് കവിതയുണ്ടായിരുന്നു
രണ്ടാം ക്ലാസ്സിന്റെ നാലു ചുവരുകള്ക്കുള്ളില്നിന്ന്
അവന് ചുരത്തിയെടുത്ത കവിത
അതിന്റെ കനിവില്
ആ നിറവില് മാഷ് ഒരുനിമിഷംവെറുതേ നിന്നു
പിന്നെ അടിച്ചവന്റെ പുറം പൊളിച്ചു.
പിന്നെയും ഊറിയ കവിതകളെ
അവന് തന്റെ ഉള്ളിലെഴുതി ഒളിപ്പിച്ചു
ഉള്ളുനിറഞ്ഞപ്പോള് അവന് ഭയന്നു
ഉള്ളം കവിഞ്ഞപ്പോള് അവന് മൌസ് കയ്യിലെടുത്തു
അവന്റെ കവിതകള് യുണീകോഡുകളായി
അന്ന് മൂവന്തിക്ക് മാഷിന്റെ
കുഴിമാടത്തിനരികെ ചെന്ന് കുഞ്ഞീഷ്ണന് ഉറക്കെ നിലവിളിച്ചു.
"മാഷെ ഞാന് കവിയായി"!
Tuesday, March 25, 2008
Subscribe to:
Posts (Atom)