ചാന്ദ്രയാനും ബോള്‍ പേനയും

നമ്മടെ ചാന്ദ്രയാനത്തിലുള്ള കൌതുകം പത്രക്കാര്‍ക്ക് തീര്‍ന്നിട്ടോ അതോ ഞാന്‍ പത്രോം റ്റീവീം ഒന്നും കാണാഞ്ഞിട്ടോ എന്തരോ എന്തോ...എന്തരായാലും അണ്ണന്റെ വാര്‍ത്തകളൊന്നും ഇപ്പോള്‍ ഞാന്‍ അറിയുന്നില്ല. എത്ര കാലമെന്ന് വെച്ചാ ചുമ്മാ കറങ്ങി നടക്കുക? ആര്‍ക്കായാലും ബോറടിക്കും.
അതെന്തരോ ആകട്ടെ. പണ്ടൊരു അമേരിക്കക്കാരനും റഷ്യക്കാരനും പൊങ്ങച്ചം പറഞ്ഞ കഥയാണ് ഓര്‍ക്കുന്നത്. അമേരിക്കക്കാരന്‍ പറഞ്ഞു : “ഞങ്ങള് ബഹിരാകാശത്ത് വെച്ചും എഴുതാവുന്ന ഒരു പ്രത്യേകതരം ബോള്‍ പേന കണ്ടു പിടിച്ചു. ഗുരുത്വാകര്‍ഷണമില്ലാത്തിടത്തും മഷിയൊഴുകിയിറങ്ങുന്ന ഈ പേന കണ്ടുപിടിക്കാന്‍ വര്‍ഷങ്ങളുടെ ഗവേഷണം തന്നെ വേണ്ടി വന്നു. കോടിക്കണക്കിന് ഡോളറും ചെലവായി. എന്നാലെന്താ ബഹിരാകാശത്ത് പോകുന്നവര്‍ക്ക് ഇനി ബോള്‍ പേന കൊണ്ടെഴുതാം”.

റഷ്യക്കാരന്‍ പൊട്ടിച്ചിരിച്ചു. “ഹഹഹ! ബഹിരാകാശത്ത് എഴുതാന്‍ പേനായൊ? അതിനൊരു പെന്‍സില്‍ പൊരേ? ഞങ്ങളുടെ സഞ്ചാരികളൊക്കെ പെന്‍സിലു കൊണ്ടാ എഴുതുന്നത് ”

അമേരിക്കക്കാരനും റഷ്യക്കാരനും ജപ്പാന്‍‌കാരനുമൊക്കെ പെന്‍സിലു കൊണ്ടെഴുതുന്നിടത്ത് നമ്മടെ ചാന്ദ്രയാന്‍ ബോള്‍ പേന ഒരസാധ്യ സംഭവം തന്നെ!