Sunday, May 4, 2008

ആരാടാ തിന്നു മുടിക്കുന്നവര്‍?

ജോര്‍ജ്ജ് ബുഷിന്,

എടാ ആരാടാ തിന്നു മുടിക്കുന്നവര്‍?

ലോകത്തിന്റെ പോലീസും ആയുധ പരിശോധകനും സമാധാനപാലകനും ഒക്കെയായി വെലസിയ നീ റോള്‍ മാറി ലോകത്തിന്റെ ബ്രെഡ് ഇന്‍സ്പക്റ്റര്‍ ആകാന്‍ നോക്കുകയാണ് അല്ലേ?
സാമ്പത്തിക വിദഗ്ധരുടെ സമ്മേളനത്തില്‍ നീ എഴുന്നെള്ളിച്ച വിഡ്ഢിത്തങ്ങളും കല്ലു വെച്ച നുണകളും തൊണ്ട തൊടാതെ വിഴുങ്ങിയ ആ തെണ്ടികളെ ആരാടാ വിദഗ്ധരാക്കിയത്?

എടാ, നിന്റെ സ്ഥിരം കലാപരിപാടി പക്ഷേ ഇത്തവണ ലോകം വിശ്വസിക്കില്ല. കാരണം 2007ല്‍ നിന്റെ രാജ്യത്തെ കൃഷി വകുപ്പ് എറക്കിയ കണക്ക് എല്ലാര്‍ക്കും കിട്ടീട്ടുണ്ട്.
എടാ മരങ്ങോടാ, സമ്പത്തികം പോയിട്ട് വീട്ടുമൂച്ചും പിടിവാശീമല്ലാതെ ഒരു മാങ്ങാത്തൊലിയും നിന്റെ തലേല്‍ ഇല്ലെന്ന് നിന്റെ സ്വന്തം പ്രജകള്‍ തന്നെ പാടി നടക്കുന്നുണ്ടല്ലോടാ.

എടാ, നിന്റെ രാജ്യത്തെ പൊങ്ങന്മാര്‍ തിന്നു മുടിക്കുന്ന കണക്ക് വല്ലതും നിനക്കറിയാമോടാ? നിന്റെ രാജ്യത്ത് പാഴായിപ്പോകുന്ന ഭക്ഷണത്തിന്റെ അളവെത്രയാണെന്ന് വല്ല ബോധോമുണ്ടോടാ നിനക്ക്?
എടാ, കോടിക്കണക്കിനു പട്ടിണിക്കാര്‍ ഒരു നേരം ആഹാരം കഴിച്ച് പോയതാണോടാ തെറ്റ്? നീ എന്താടാ കരുതീത് മ..മ..മത്തങ്ങാത്തലയാ, ഞങ്ങളെന്നും പട്ടിണി കെടന്ന് നിന്റെ ഉണ്ണാക്കന്മാര്‍ക്ക് അണ്ണാക്കില്‍ കേറ്റാന്‍ ആഹാരം കയറ്റി അയക്കണമെന്നോ?

എടാ, നിന്റെ രാജ്യത്തെ കെഴങ്ങന്മാര്‍ തിന്നു മുടിക്കുന്നത് എന്റെ രാജ്യത്തെ ഒരുത്തന്‍ തിന്നുന്നേന്റെ അഞ്ചിരട്ടി ആണെടാ. ആളോഹരി ഒരിന്ത്യാക്കാരന്‍ കൊല്ലത്തില്‍ 178 കിലോ അരി/ഗോതമ്പ് കഴിക്കുമ്പോള്‍ നിന്റെ പൌരന്‍ പള്ളേല്‍ നിറക്കുന്നത് 1046 കിലോ ധാന്യമാണ്.

എടാ പോത്തേ, ലോകത്തേറ്റവും കൂടുതല്‍ മാംസം തിന്നുന്നത് അമേരിക്കക്കാരനാണെന്നത് നീ ശമ്പളം കൊടുക്കുന്ന ഇട്ടിക്കണ്ടപ്പന്മാര്‍ എഴുതിവെച്ച കണക്കാണെടാ. ഒരു അമേരിക്കക്കാരന്‍ ഒരു വര്‍ഷം 42.6 കിലോ പോത്തെറച്ചി ആണെടാ കേറ്റുന്നത്. ഇന്ത്യാക്കാരന്‍ 1.6 കിലോയും ചൈനാക്കാരന്‍ 5.9 കിലോയും. എടാ വര്‍ഗ്ഗസ്നേഹമില്ലാത്ത പന്നീ, പന്നിയെറച്ചീടെ കണക്കറിയാമോടാ നിനക്ക്? 29.7 കിലോ പന്നിയാടാ പന്നീ നിന്റെ രാജ്യക്കാരന്‍ കേറ്റുന്നത്.

എടാ 45.4 കിലോ കോഴി അകത്താക്കിയട്ട് നീ 1.6 കിലോ കോഴി തിന്നുന്ന ഇന്ത്യക്കാരനെ വെറും കോഴിയാക്കാല്ലേ കേട്ടോ.

സസ്യ എണ്ണ 41 കിലോ ഒരമേരിക്കക്കാരന്‍ ഉപയോഗിക്കുമ്പോ ഇന്ത്യാക്കാരന്‍ 11 കിലോ. 78 ലിറ്റര്‍ പാല് അമേരിക്കക്കാരന്‍ കുടിക്കുമ്പോ 36 ലിറ്റര്‍ ഇന്ത്യക്കാരന്. ഇത് പാലിന്റെ മാത്രം കണക്ക്. നിന്റെ ആഹാരരീതിലെ മുഖ്യ ഇനമായ ചീസും ബട്ടറും പാല്‍പ്പൊടിയും ഒരിക്കലും കണ്ടിട്ടു പോലുമില്ലാത്ത ഒത്തിരി ലക്ഷങ്ങളുണ്ടെടാ ഇന്ത്യയില്‍.

എടാ, ദശലക്ഷക്കണക്കിന് ഹെക്റ്റര്‍ കൃഷിയിടങ്ങള്‍ ജൈവ ഇന്ധനകൃഷിക്ക് കൊടുത്തിട്ട്, ഒള്ള എണ്ണയെല്ലാം വണ്ടീലൊഴിച്ച് കത്തിച്ചു തീര്‍ത്തിട്ട്, ക്രൂഡോയിലായ ക്രൂഡോയിലെല്ലാം പൂഴ്‌ത്തിവെച്ചിട്ട് നീ ഞങ്ങടെ നെഞ്ചത്ത് കേറുവാണോടാ?
അരീം തിന്ന് ആശാരിച്ചിയേം കടിച്ചിട്ട് പിന്നേം നിനക്ക് മുറുമുറുപ്പോടാ?

നിന്റെ എല്ലാ കടീം ഇതോടെ തീരും. നീ കാത്തിരുന്നോ, പട്ടിണിക്കോലങ്ങളായ നിന്റെ പ്രജകള്‍ നിന്നേം നിന്റെ തന്ത ബുഷിനേം നിന്റെ കുലത്തെ മുഴുവന്‍ ചുട്ടു തിന്നുന്ന ഒരു നാളിനു വേണ്ടി.