ബൂലോഗത്തിന്റെ തൂണിലും തുരുമ്പിലും നിറഞ്ഞ് നില്ക്കുന്ന ചൈതന്യമാണ് വര്മ്മ. ടൈപ്പ് 3 ഹറിക്കേന് പോലെ എപ്പോള് വരുമെന്നോ എന്ത് ചെയ്യുമെന്നോ പറയാന് പറ്റാത്ത വര്മ്മ. ബൂലോഗത്ത് അധര്മ്മത്തിനെതിരെ പടവാളായും ചിലപ്പോള് അലമ്പിന്റെ കൊടുവാളായും മറ്റു ചിലപ്പോള് റോഡ് സൈഡിലെ വെറും വാളായും വര്മ്മ പ്രത്യക്ഷപ്പെടാറുണ്ട്. വര്മ്മയുടെ ഡീറ്റെയിത്സിനല്ല പ്രാധാന്യം വര്മ്മ നിര്വഹിക്കാറുള്ള കര്മ്മങ്ങള്ക്കാണ് പ്രാധാന്യം എന്ന് മനസ്സിലാക്കാന് ഇതിനകം ബൂലോഗര്ക്ക് കഴിഞ്ഞിട്ടുണ്ട് എന്ന് ഞാന് അനുമാനിക്കുന്നു. എങ്കിലും വര്മ്മകളെ പറ്റി കൂടുതല് അറിയാനും കുശലം ചോദിക്കാനും വേണ്ടി വന്നാല് ഫാന്സ് അസോസിയേഷന് തന്നെ പണിയാനും എപ്പോഴും ജനം ഉത്സുകരാണ്. ഫോര് എക്സാമ്പിള് ബൂലോഗത്തെ പലരും ഞങ്ങളോട് പലവട്ടം ചോദിച്ചിട്ടുണ്ട് ‘നിനക്കൊക്കെ അമ്മയും പെങ്ങളും ഇല്ലേടാ?’ എന്ന്.
ഈ സ്നേഹത്തിന് മുന്നില് സാഹോദര്യത്തിന് മുന്നില് ഞങ്ങള് വര്മ്മമാര്ക്ക് ഏഐജിയുടെ ഷെയറ് വാങ്ങിയവരെ പോലെ അന്ധാളിച്ച് നില്ക്കാനെ കഴിയുന്നുള്ളൂ. അധികം സംസാരിച്ച് നിന്നാല് വര്മ്മാലയം ഞങ്ങള് കരുതിയതിലും വലിയ സംഭവമാണല്ലോ എന്ന് നിങ്ങള്ക്ക് തോന്നും എന്നുള്ളത് കൊണ്ടും സദാചാരക്കമ്മറ്റിക്കാര് ശീമക്കൊന്നയുടെ കൊമ്പ് വെട്ടി വനനശീകരണം വരുത്തി വെയ്ക്കും എന്നുള്ളത് കൊണ്ടും സര്വ്വോപരി ബീവറേജസ് അടയ്ക്കും എന്നുള്ളത് കൊണ്ടും ഞാന് എന്റെ വാക്കുകള് ഉപസംഹരിക്കുന്നു.
2009ലെ മെമ്പര്ഷിപ്പ് പുതുക്കാന് ഈ വേള ഉപയോഗിക്കാന് എല്ലാ വര്മ്മകളേയും സാദരം ക്ഷണിച്ച് കൊള്ളുന്നു. ജയ് ഹിന്ദ്!
അനുരഞ്ജവര്മ്മ
പ്രസിഡന്റ്
വര്മ്മ അസോസിയേഷന്
Monday, March 9, 2009
Subscribe to:
Posts (Atom)