പോസ്റ്റ്: സര്വ്വരാജ്യ വര്മ്മമാരേ സംഘടിക്കുവിന്
ദേവന് said...
വര്മ്മമാരുടെ ക്ലബ്ബ് ആണോ? എന്നാല് അതിനു “സംയുക്ത വര്മ്മ” എന്നല്ലേ ശരിയായ പേര് :)
ദില്ബാസുരന് said...
ഈ സൈസ് മലയാള ബ്ലോഗ് വായിച്ചിട്ടാണെന്ന് തോന്നുന്നു പണ്ട് വിവേകാനന്ദ് എന്നൊരാള് കേരളം ഒരു വര്മ്മാലയം എന്ന് പറഞ്ഞത്. ആള് വര്മ്മയാണോന്നറിയില്ലാ... :-)
ഗാനഭൂഷണം സുഗുണ വര്മ്മ said...
സമൂഹ ഗാനം.
(ആണ്) ബ്ലോഗിനൊന്നു ഭൂഷണമായ്
(പെണ്ണ്) വര്മ്മ..വര്മ്മാ
(ആണ്)വര്മ്മകള്ക്കൊരു ആശ്രയമായ്
(പെണ്ണ്) വര്മ്മാലയം ല ല ല
(ആണ്) ല ല ല ല വര്മ്മാലയം
(പെണ്ണ്) സ്നേഹം നിറയും...
(ആണ്)സരി സരി ഗരി
(പെണ്ണ്)ഫലിതം പകരും...
(ആണ്)പധനി സരിസ ഗാ
(പെണ്ണ്) ബൂലോഗത്തിന് വര്മ്മാലയം
(ആണ്) ഞങ്ങടെ പ്രിയമാം വര്മ്മാലയം
(ആണും പെണ്ണും)സ നി സ നി പ നി
മ പ മ ഗ സാ പാാാാാാാാ
ഞങ്ങടെ പ്രിയമാം വര്മ്മാലയം
ഞങ്ങടെ പ്രിയമാം വര്മ്മാലയം
നടന് ബിജുമേനോന് said...
ടീ... സംയുക്താവര്മ്മേ....വീട്ടില് പോടീ......
എന്റെ കണ്ണൊന്നു തെറ്റിയാല് എറങ്ങിക്കോണം.....
മോണിക്ക വര്മ്മ said...
ക്ലിന്റന് വര്മ്മേട്ടാ.....ചക്കരേ..... ഞാന് എവിടെയൊക്കെ തപ്പി. ഹിലാരി ചേച്ചി പ്രസിഡന്റാവുന്ന് കണ്ടപ്പോ, എന്നെയൊന്നും ഒരു മൈന്റുമില്ലാല്ലെ അണ്ണന്. ഞാന് മിണ്ടൂല്ല. പഴയതൊന്നൂം അങ്ങിനെ മറക്കരുതണ്ണാ.
അഹിംസ വര്മ്മ said...
തല്ലി എല്ലൊടിക്കെടാ എല്ലാറ്റിന്റേം....
അശോക് കര്ത്ത said...
ഷവര്മ്മ(ഒരു പ്ലേറ്റിനു 65 രൂപ) എന്തു തരം വര്മ്മയാണു?
മൈതീന് കുട്ടി വര്മ്മ said...
ഒപ്പന വര്മ്മപ്പാട്ട്
വമ്പുറ്റ മൊഞ്ച് പെരുത്തുള്ള വര്മ്മ
വര്മ്മാബീ സഖിയെത്താന് കാണുവാന് - അല്ലാ
വമ്പുള്ളോരാശ പെരുത്തിട്ടീ വര്മ്മ
വര്മ്മാബീ വീട്ടിലണയുന്നേ
വര്മ്മാബീ തന്നുടെ കയ്യിലെ മയിലാഞ്ചി
സുന്ദര മാറില് വിളങ്ങുന്ന പൂത്താലി
മുടിയിലു ചൂടിയ മണമുള്ള പൂവള്ളി
കണ്ടാനേ വര്മ്മ കൊതിച്ചാനേ
വെള്ളമിറക്യാനേ......
പോസ്റ്റ് : സമസ്യാ പൂരണം
പ്രശ്നം:
.........................................................
.........................................................
.........................................................
വര്മ്മേം കൂടീട്ട് ബ്ലോഗുന്നു.
ഉമേഷല്ലാത്ത വര്മ്മ said...
ആന പിണ്ടമിടുന്ന കണ്ടിട്ട-
ണ്ണാനുമപ്പിയിടുന്നപോല്
വര്മ്മ തന് കൃതി കണ്ടനുരഞ്ജ-
വര്മ്മേം കൂടീട്ടു ബ്ലോഗുന്നു.
പോസ്റ്റ് : വര്മ്മകള് എന്ത് പിഴച്ചു?
ഞങ്ങ വര്മ്മകള് എന്ത് പിഴച്ചു?
എന്തോക്ക്യാര്ന്നു...തോക്ക് (ഇല്ല തോക്കുല്ല) മലപ്പുറം കത്തി (എന്ന് കത്തി?), അമ്പ് വില്ല്, ഒലക്കേടേ മൂഡ് അങ്ങനെ പവനായി വര്മ്മ ശവര്മ്മയായി :(
അര്ജ്ജുന വര്മ്മ said...
ഞാന് വീണ്ടും വന്നു. എവിടെ കുരു കുലോത്തമന്മാര്?
എവിടെ പാഞ്ചാലി വര്മ്മ?
ഫീമ വര്മ്മ അളിയന്സ് ഭീമവര്മ്മ said...
പാഞ്ചാലി ഉഴുന്നരയ്ക്കുകയാണ് അര്ജ്ജുനാ, നാളെ ഇഡലി ആണ് പ്രാതലിന് എന്ന് അറിയില്ലാന്നുണ്ടോ. നീ എന്തിനാ ഇപ്പം അവളെ അന്വേഷിക്കുന്നേ? വല്ല കിളിയേയോ പൂച്ചിയേയൊ ഒക്കെ അമ്പെയ്ത് കളി അനിയാ
ഉധിഷ്ഠിര വര്മ്മ said...
നാളെ ഇഡലിയോ, ഫീമാ അതങ്ങ് ഭരണങ്ങാനം പള്ളീല് പറഞ്ഞാല് മതി. നാളെ പുട്ട് ഉണ്ടാക്കാന് ഞാനല്ലെ അവള്ക്ക് അരി ഇടിച്ച് കൊടുത്തത്. അതെന്ത് ചെയ്തു? പുട്ടില്ലെങ്കില് തട്ടിക്കളയും. അനിയാ നഹുലാ മ്വാനേ സകദേവാ മാന്തിപ്പിച്ചികടിച്ചു കൂട്ടെടാ ഫീമേട്ടനെ.
ഫീകര വര്മ്മ said...
ആരാടാ അവിടെ അമ്പ് വിട്ടത്? പിന്നില് കൊതൂ കടിച്ചതാണെന്നാ കരുതിയെ.
എടാ അര്ജ്ജുനപ്പയലേ, നിന്റെ അമ്പും വില്ലും കൊണ്ട് വല്ല കരിമത്തിയേയോ ചാളയോ പോയി പിടിച്ചോണ്ട് വാടാ. കുപ്പി പൊട്ടിക്കുമ്പം ടച്ചിംഗ്സിന് വറക്കാം.
ഡോക്ടര് വര്മ്മയെ കണ്ടില്ലല്ലോ?
മടിയില് ടെക്സ്റ്റ് ബുക്ക് മലര്ത്തി വെച്ച് അടുത്ത പോസ്റ്റെഴുതുവാരിക്കും.
ഏകവല്യന് എല്യവകന് ഏക..ശോ എന്തോ ഒരു മാരണം said...
ഹെന്റെ തള്ളവിരലെടുത്ത കാര്ന്നോരെ ഞാന് ഉണ്ടാക്കിയ തന്റെ പ്രതിമയില് ഇപ്പോള് കാക്കകള് അപ്പിയിട്ട് കളിക്കുന്നു. ഇനിയും തീര്ന്നില്ലേ തന്റെ പാണ്ധവ കൌരവ മാമൂല് ജാഡകള്?
താനൊന്നും ഒരു കാലത്തും ഗുണം പിടിക്കത്തില്ലെടോ കിളവാ. തള്ളവിരലില്ലാതെ എസ്.എം.എസ് അയക്കാന് ബുദ്ധിമുട്ടുന്ന എന്റെ ഒക്കെ ശാപം താനേത് കോത്താഴത്ത് പോയി കൊണ്ട് വെയ്ക്കുമെഡൊ?
ജടായു വര്മ്മ said...
നിന്റെ തള്ളവിരലല്ലേ പോയുള്ളൂ ഏകമല്യാ..എന്റെ കൈ രണ്ടും കഷ്ണിച്ചു ആ ദുഷ്ടന് രാവണവര്മ്മ.
അതിനെന്താ ച്ചാ നോം കല്യാണം പോലും കഴിച്ചിട്ടില്ലേയ്...കൈയ്യും ഇല്ല.
ദ്രോണ വര്മ്മ said...
ഏകവല്യ.. ഏലകവ്യ.. ശ്ശെ ഡാ മോനേ,
തള്ളവിരല് പോയത് കൊണ്ട് എസ് എം എസ് അയയ്ക്കാന് പറ്റിയില്ല എന്ന് പറയുന്ന ഇതോ അങ്കം? ടച്ച് പാഡ് ഉള്ള ഫോണ് വാങ്ങീരെഡാ ഹസ്തിനപുരി മാള് (ഫുള്ളി ഏസി) അവിടെ കിട്ടും. ഞാനിപ്പൊ അതാ യൂസ് ചെയ്യുന്നേ.
അശു ഏലിയാസ് അശ്വഥാമാ വര്മ്മ said...
ഹാരാഡാ ഹച്ചനെ തെറി വിളിച്ചേ?
അച്ചേ ഞാന് അവനെ സ്റ്റാച്ച്യൂ പറയട്ടെ?
അല്ലെങ്കില് സൂചി കുടുക്കോണ്ട് അവന്റെ കവിളത്ത് കുത്തട്ടെ? അല്ലെങ്കില് ഹച്ചന് പടിപ്പിച്ച ഫ്രമ്മാസ്ത്രം പ്രഗോയിക്കട്ടെ?
പോസ്റ്റ് : കവി
സുഭാഷ് ചന്ദ്ര വര്മ്മ said...
എനിക്ക് (കവികളുടെ) രക്തം തരൂ ഞാന് നിങ്ങള്ക്ക് (ഈ ശല്ല്യത്തില് നിന്നും)സ്വാതന്ത്ര്യം തരാം.
ജവഹര്ലാല് വര്മ്മ said...
പഞ്ചശീല ആണ് നമ്മള് ഇവിടെ പ്രയോഗിയ്ക്കേണ്ടത് സുഭാഷ് ചന്ദ്രാ, മോഹന് ചേട്ടാ.
1)പോളീസ്റ്റര് ശീല
2)കോട്ടണ് ശീല
3)നൈലോണ് ശീല
5)കമ്പിളി ശീല
6)പണ്ട് റേഷന് ഷോപ്പ് വഴി വിതരണം ചെയ്തിരുന്ന ആ വൃത്തികെട്ട ശീല
എന്നാലെ ഇവമ്മാരൊക്കെ ‘ഒരു പാഠം പഠിയ്ക്കൂ‘ എന്ന് ചൌവെന് ലായ് വര്മ്മ എന്നോട് മിനിയാന്നും പറഞ്ഞു.
സെബാസ്റ്റ്യന് വര്മ്മ said...
കുട്ടി പറഞു
എനിക്ക് കവിയാവണം മാഷേ.
എന്തിനു?
ജാട കാട്ടി പൊട്ടി തെറിയ്ക്കണം
എന്തിനു?
ബ്ലോഗ്ഗ് എഴുതുവാന് നാളേയ്ക്ക്
എന്തിനു
എന്നാലെ എണ്ണം പറഞ ആളുകളുടെ മുമ്പിലു ഞെളിയാന് പറ്റു
അതിനു കവിത വൃത്തം ആശയം ഒക്കെ വേണ്ടേ?
വേണ്ട, ചാറ്റില് പറഞ വാക്കുകള് പേസ്റ്റാക്കിയാല് മതി മാഷേ.. പിന്നെ ഉറങ്ങുമ്പോഴ് തല വഴി പുതപ്പ് വീഴുമ്പോള് ഞാന് ചെയ്യുന്നതൊക്കേനും കവിത ആക്കാം മാഷേ.
അപ്പോ പോസ്റ്റില് ആരു വരും കമന്റിടാന്?
അതിനു മാഷെ, ചില ഒന്നും തലേല് കേറാത്ത പൊട്ടന് ബുന്ദ്ധി ജീവികളുണ്ട്, അവരു വന്ന് ഗംഭീരം കലക്കന്, നല്ല ക്രാഫ്റ്റ് എന്ന് പറഞോളും. അവരെ മാത്രം ഞാന് ഇടക്ക് ഇടക്ക് വിളിയ്ക്കും. മറുപടീ പറയുമ്പോഴ് കമന്റില് വന്ന് പോയതിനും, കമന്റിനും നമോ വാകം, നിങ്ങളോക്കെ എഴുതാത്തതഅണു ബ്ലോഗിന്റെ നഷ്ടം എന്നും പറയും.
പിന്നെ
മീറ്റ് കൂടുമ്പോഴ് പോവരുത്. അവരു വിളിയ്ക്കും. എന്നാലും പോവരുത്. ബലം പിടിച്ചിരുന്നോളണം.
കേട്ടിരുന്ന മലയാളം മാഷ് ചെരിഞു വീണു. അന്ന് മുതല് കുട്ടി കവിയുമായി.
തറവാടി said...
നല്ല കവിത ഇത് മറ്റു വല്ല പേരിലും പോസ്റ്റായിരുന്നില്ലേ അനുരഞ്ചന വര്മ്മേ അങ്ങിനേര്ന്നെങ്കി കുറച്ച് 'കവി'കളെങ്കിലും ഇതൊരാഘോഷമക്കുമായിരുന്നു ഇനീപ്പോ! :)
(എന്താ ഇപേരു പിടിച്ചില്ലേന്നൊന്നും ചോതിക്കല്ലെ :) )
പോസ്റ്റ്: പാരിസ്ഥിതികം
ശിവ said...
എന്തു നല്ല വരികള്...എന്തു നല്ല ഭാവന....
കുഞ്ചു ഡബ്ലിയൂ . വര്മ്മ said...
ഹൊ, യെന്ന കവിത അനുവേട്ട.. ഞാന് അങ്ങ് അലിഞ്ഞില്ലാതെയായി പോയി
"ദേവദാരുക്കളും ഇലക്ട്രോണുകളും നിറഞ്ഞ
സൈബര് കാടുകളെക്കുറിച്ച്
പൂവായ് വിടരുന്ന പഴയ കമ്പ്യൂട്ടറുകള്ക്ക്"..
ഉമ്മ കൊടുക്കുന്ന കരടികള്"
കവിത ഞാന് അങ്ങേക്കു സമര്പ്പിക്കുന്നു അനുവേട്ടാ
================= =================
ഈന്തപ്പനയില് ഡയബറ്റിക്കുകള് (കവിത)
പൊട്ടന്ഷ്യല് ഡിഫറന്സുകളിലെ മുഷ്ടിമൈധുനങ്ങളില്
ശീല്ക്കാരമുയര്ത്തുന്ന അല്ട്രസൌണ്ടുകളില്
ഒരു ബോംബിന്റെ ശാന്തതയില് പുലര്കാല വേളകളില്
തുള്ളിക്കളിക്കുന്ന വികലാംഗന്റെ പട്ടികള്
അവരെന്തരിയുന്നു പ്രോട്ടോനുകളിലെ ഭാവന്തരം
മഴ്മെഖജാലങ്ങള് കനിഞ്ഞര്ലും ഈ ടാറിട്ട റോട്ടില്
ചന്തമേഴും ഈ ചന്തികളുരയുന്ന ഘര്ഷണ സുഖങ്ങളില്
എരിയുന്ന വെല്ഡിങ്ങ് റാഡീന്റെ അതി ശൈത്യത്തില്
പുളഞ്ഞ ഗിയറുപോലെ
തിരിയുന്ന പല്ചക്രങ്ങളില്
അടികിട്ടി കൊഴിഞ്ഞ പല്ലുകള്
ഡെന്റിസ്റ്റിന്റെ മനസ്സില് വിഹല്വതകള് സ്ര്^ഷ്ടിച്ച
തമോബാഷ്പങ്ങളായ്
പാറ്റകള് ചേക്കേറുന്ന വനാന്തരങ്ങളില്
പട്ടിണിക്കോലങ്ങളായ പുലികള്
മെറ്റല് ഡിറ്റക്റ്ററിന്റെ സത്യം പോലെ
ഇരുണ്ട ഗുഹകളില് ദീന രോദനങ്ങള്
പോസ്റ്റ് : ഓള് കേരളാ വര്മ്മ അക്കാദമി
ഫാ.മാര് എത്തിപ്പിടിയോസ് വര്മ്മ said...
ബ്ലുഞ്ഞാടുകളേ, ഞാനും എന്നൊടൊപ്പം മറ്റു ചിലവര്മ്മമാരും അഖാധമിയുഠെ സംസ്ദാന കോര്ഡിനേറ്റര്മാരായി നിയമിക്കപ്പെട്ടിരിക്കുന്ന ഈ വേളയില് അല്ലെങ്കിലീ അവസരത്തില് ഒന്നു മാത്രമേ എനിക്ക് പറയാനുള്ളൂ. അധികം ഉയരമില്ലാത്ത വര്മ്മിണിമാര് ശില്പശാലക്ക് വരികയാണെങ്കില് എന്റെ അധ്വാനം ഇത്തിരി കൊറഞ്ഞിരിക്കും. എത്തി എത്തി എന്റെ നട്ടെല്ലിന്റെ അടപ്പൂരിയിരിക്കയാണ്.
സക്കര് വര്മ്മ പണ്ടാരക്കലത്തില് said...
വര്മ്മ അക്കദമിയുടെ ഉല്ക്കാടനത്തിനു ചൊല്ലാന് ഒരു കവിത ഞാന് എഴുതീട്ടുണ്ട്.
കവിത :- അക്കാദമിക്കും കിട്ടും വായ്പ
രചന:- സക്കര് വര്മ്മ പണ്ടാരക്കലത്തില്
ഫോട്ടോ(എടുക്കാന് ഫോട്ടോഗ്രാഫറെ വിളിക്കാന് പോകുന്നത്) :- സക്കര് വര്മ്മ പണ്ടാരക്കലത്തില്
അക്കാദമീ നീ കുടിക്കരുത്
അക്കാദമീ നീ വലിക്കരുത്
അക്കാദമീ നീ പ സോറി ഉണ്ണരുത്
അക്കാദമീ നീ ഉറങ്ങരുത്
അക്കാദമീ നീ കളിക്കരുത്
അക്കാദമീ നീ പണയപ്പെടുത്തു
അക്കാദമീ നിനക്ക് ഓഫീസ് കെട്ടിടം പണിയണ്ടേ
പക്ഷേ പണയപ്പെടുത്താന് എന്തുണ്ട് നിന്റെ കയ്യില്
രണ്ട് ടണ് തെറിയല്ലാതെ
അത് കൊണ്ട്
അക്കാദമീ നിനക്ക് കിട്ടില്ല വായ്പ
അക്കാദമീ നിനക്കും വാങ്ങാം
കാറും,ബസ്സും, മൊബൈല് ഫോണും
ഒരു ബാങ്ക് കൊള്ളയടിച്ചാല് മതി
വെള്ളെഴുത്ത്വര്മ്മ said...
ചരിത്രാതീതകാലത്ത് ഭൂമിയുടെ ഭഗ്നരേതസ്സില് ആകാശമാകെ ചെന്നിറം പുലികിയ ഒരു സന്ധ്യയില് ഇതു പോലെ ഒരു കൂട്ടം വര്മ്മമാര് കൂട് വിട്ട് കൂട് തേടി അലഞ്ഞു
ഞാന് പറയുന്നത് നിങ്ങള്ക്കൊന്നും മനസ്സിലാകില്ല.അത് ജിന്ജര് ലഡ്ക്കിക്കും കണക്കുപ്പിള്ളഗുപ്തനും മാത്രെ പിടി കിട്ടു
മിന്നാത്തമിനുങ്ങ് ഷാജി said...
വര്മ്മകളെ, ഞാന് കോപ്പിയടിക്കാതെ എഴുതിയ ഈ പുതിയ കവിത നമ്മുടെ സുവനീറില് പ്രസിദ്ധീകരിക്കണം. കവിത താഴെ..
പതിമൂന്നു മക്കളെ പെറ്റൊരമ്മെ..
നിന്റെ സന്താനങ്ങളില് ഞാനാണ് വര്മ്മ..
പതിമൂന്നു കാലവും നീറ്റുമമ്മെ..
നിന്റെ സന്താനങ്ങളിന് ഞാനാണ് വര്മ്മ..
നിന്റെ തലയില് അരിക്കും പേനുകളില്ലെ?
കണ്ണിലിരവിന്റെ പാശാസ്ത്യ കരിമഷിയല്ലെ..
ഉള്ളില് തീക്കോണില് തീ ചികഞ്ഞാടും നഗ്നരാം സ്വര്ഗവാസികളാം വര്മ്മകളല്ലെ...
മിന്നാത്തമിനുങ്ങ് ഷാജി.
ധിക്കാരിമഷ്ടാ വര്മ്മ said...
വര്മ്മകള് പെരുകേണ്ടത് ചരിത്രത്തിന്റെ ആവശ്യമാകുന്നു. ജപ്പാനില് കുമൊ കവ ബാത്ത എന്ന ഒരു പണ്ഡിതന് പണ്ട് വര്മ്മാലയം തുടങ്ങിയതായി ഇവിടെ പറയുന്നു
www.kava_varmma.com/varmmainjapan
പിന്നെ സുസുക്കി കുവാനി എന്ന ബുദ്ധ ബിക്ഷു ആ വര്മ്മ സംഘത്തെ സെന് ബുദ്ധമതവുമായി ബന്ധപ്പെടുത്തുകയും ഫക്കിയോനി യുവാന് എന്ന യുവസന്യാസി അതിനെ രണ്ടാം ലോക മഹാ യുദ്ധത്തില് അമേരിക്കയ്ക്കെതിരെ അണി നിരത്തുകയും ചെയ്തു
സഞ്ചിപ്പെണ്ണ് said...
എന്റെ നാല് കെട്ടിയോനും ബോട്ടും ..എന്ന ബ്ലോഗില് നിന്ന് ചില വാക്കുകള് മോഷണം പോയിരിക്കുന്നു.. ഞാന് ബ്ലൊഗില് ഉപയോഗിച്ച വാക്കുകളായ ‘ഒരിക്കല്’, ‘പെട്ടന്ന് ’, ‘ഇവിടുത്തെ’, ‘മാത്രമല്ല’, ‘വന്നു കേട്ടോ’, ‘ചെന്നാൽ ’... എന്നീ വാക്കുകള് മിന്നാത്തമിനുങ്ങ് ഷാജീ എന്ന് ബ്ലോഗര് മോഷ്ടിച്ചിരിക്കുന്നു... അതു കൊണ്ട് എല്ലാ വര്മ്മകളും മുഖത്ത് കരിവാരി തേക്കണമെന്ന് അപേക്ഷിക്കുന്നു...
തക്കോലിക്കാ ഭൂരിപക്ഷവര്മ്മ said...
എം എ ബേബിയെ അക്കാദമിയില് എടുക്കരുത്..ഏഴാം ക്ലാസ് പുസ്തകം പിന്വലിക്കണം..അറ്റ്ലീസ്റ്റ് വര്മ്മമാറ്റ്രെ പഠിപ്പിക്കരുത്. വര്മ്മമാരുടെ മക്കളെ വര്മ്മമാരുടെ ഉസ്കൂളില് തന്നെ പഠിപ്പിക്കണം..വര്മജനസംഖ്യ കുറയ്ക്കാനുള്ള നീക്കം നിര്ത്തണം. വര്മാസൂത്രണം അറബിക്കടലില്..ദൈവമായിട്ടു തരുന്ന വര്മ്മക്കുഞ്ഞുങ്ങളെ സര്ക്കാരായിട്ട് വേണ്ടെന്ന് പറയരുത്..വര്മ്മസ്വര്വകലാശാലകള് തുടങ്ങാന് സമയമായി..സീരിയലുകളില് വര്മമാരെ അപമാനിക്കുന്നത് നിര്ത്തണം..വിമോചനസമരത്തില് പങ്കെടുത്ത വര്മ്മമാരെ സര്ക്കാര് ചിലവില് ആദരിക്കണം..
വര്മ്മ ഹാജി. said...
വര്മ്മ ക്വിസ്.
1) കെ.പി കുമാരന് _____________ കണ്ടി.
a. അഞ്ചര b. ആറര c. ഏഴര.
2) മസാല വിനശ്കന് ജബലെലിയില് ______തവണ പോയി വരും.
a. ഡെയ്ലി b. വീക്കിലി. c. മന്തിലി.
3) തേങ്ങയടി യാണ് ______ന്റെ പ്രധാന ഹോബി ?
a.സുല്ല് b. പുല്ല് c. കല്ല്
First Prize : ഒരു കിലോ ഇഞ്ചി.
Second Prize : ഒരു ഷീറ്റ് ഡബ്ബര്.
third Prize : രാജ് നീട്ടയത് ഒരു കഷ്ണം..
മിന്നാത്ത മിനുങ്ങ് ഷാജി. said...
ഞാന് മലയാളം കവിത എഴുത്ത് നിര്ത്തി....ഇനി കോപ്പി അടിക്കാതെ സ്വന്തമായി ഇംഗ്ലീഷ് കവിത (പോയം) എഴുതുകയാണ് എന്ന വിവരം എല്ല വര്മ്മകളെയും അറിയിച്ചു കൊള്ളുന്നു..
എന്റെ ആദ്യ ഇംഗ്ലീഷ് കവിത.
Different Haircutter Peter,
Nobody Identified , yes Never..
Shaving Peoples Leader,
Not Only a Peter, But also a Killer
Different Haircutter Peter,
Nobody Identified , yes Never..
Peter a Killer,
a Hair Cutter,
is a Lover,
Face Shaver,
Our Peter, peter peter peter...
Different Haircutter Peter,
Nobody Identified , yes Never..
എന്റെ പേരും മാറ്റി..
ഷൈനിങ്ങ് ഷാജി.
Saturday, August 9, 2008
Subscribe to:
Post Comments (Atom)
12 comments:
ബെസ്റ്റ് ഓഫ് വര്മ്മ കമന്റ്സ്
സഞ്ചിപ്പെണ്ണു ഉവാച:
ഏകവല്യന് എല്യവകന് ഏക..ശോ എന്തോ ഒരു മാരണം said...
ഹെന്റെ തള്ളവിരലെടുത്ത കാര്ന്നോരെ ഞാന് ഉണ്ടാക്കിയ തന്റെ പ്രതിമയില് ഇപ്പോള് കാക്കകള് അപ്പിയിട്ട് കളിക്കുന്നു. ഇനിയും തീര്ന്നില്ലേ തന്റെ പാണ്ധവ കൌരവ മാമൂല് ജാഡകള്?
താനൊന്നും ഒരു കാലത്തും ഗുണം പിടിക്കത്തില്ലെടോ കിളവാ. തള്ളവിരലില്ലാതെ എസ്.എം.എസ് അയക്കാന് ബുദ്ധിമുട്ടുന്ന എന്റെ ഒക്കെ ശാപം താനേത് കോത്താഴത്ത് പോയി കൊണ്ട് വെയ്ക്കുമെഡൊ?
ഇതൊഴിവാക്കരുതായിരുന്നു...
മൈകാര്യംകഷ്ട വര്മ്മ said...
അനുരഞ്ജവര്മ്മ, കൊണ്ടോട്ടി മൂസ എന്ന വര്മ്മമാര് പെരുമാറുന്ന രീതി നോക്കിയാല് അവര് ഇടതുപക്ഷവര്മ്മമാര് ആണോ എന്നാണ് എന്റെ സംശയം എന്നു പറഞ്ഞാല് അതു ശരിയാണോ, അതോ ശരിയല്ലേ എന്ന് വേറാരെങ്കിലും ചോദിച്ചാല് ഞാന് എന്തു പറയും എന്ന് അനിക്കു തന്നെ അറിഞ്ഞു കൂടാന് പാടില്ല എന്ന ഒരു കാര്യമാണ് എനിക്ക് പറയാനുള്ളതെന്ന് തോന്നുന്നു. ബ്ലോഗക്കാദമി എന്ന ആദ്യ പോസ്റ്റില് ഈ അനുരഞ്ജവര്മ്മ കമന്റിടാത്തതു കാരണം അയാള് ഈ പോസ്റ്റും ചെയ്യാന് പാടില്ലായിരുന്നു.
കൊളോണിയലിസിത്തിനും പ്രതിക്രിയാവാദത്തിനും ഇടക്കുള്ള റാഡിക്കല് ചിന്താധാര സജീവമായിരുന്നെന്ന് വേണം കരുതാന് എന്നാണല്ലോ സന്ദേശം സിനിമയില് ശങ്കരാടി പറഞ്ഞത്. (ഞാന് ഇതിനെപ്പറ്റി 27 പേജുള്ള ഒരു പോസ്റ്റ് എന്റെ വെയിലത്തെ താറാവ് എന്ന ബ്ലോഗില് ഇട്ടിട്ടുണ്ട്).
ഹഹഹ...
ചിലതൊക്കെ ക്ലാസ്സിക്കായിരിക്കുന്നു.
ചിരിക്കാതെ എന്ത് ചെയ്യാന് :))
എന്തിനു്. ഇവിടെയും വര്മ്മമാരുടെ സംസ്ഥാന സമ്മേളനത്തിനു് സാക്ഷ്യം.:)
വര്മ്മമാരേ
ഹഹഹ!
ചിരിക്കാനുണ്ടൊരുപാട്.
:) ജ്ജാതി പെട്യായിട്ടുണ്ട് ട്ടാ ചിലത്.
ഞങ്ങളുടെ നാട്ടില് എല്ലാ അസുഖങ്ങളും ഭേദമാക്കുന്ന കളരി വര്മ്മാണി തൈലം കിട്ടുമായിരുന്നു പണ്ട്.അതിന്റെ ഓര്മ്മയാണ് വന്നത് ഇത് വായിച്ചപ്പോള്.
ഹ.ഹ.ഹ...
എനിക്ക് വയ്യ..മരിച്ചാല് മതി....
ഉണ്ണ്യേ..ആ വിളക്കങ്ങട് അടക്ക്യ...
വര്മ്മമാര് ഇറങ്ങാറായി...
[എന്റെ രക്തം കഫം മലം മൂത്രം..ഒക്കെ ഈ വര്മ്മമാര്ക്ക് ആദ്യ കാലങ്ങളില് തണലായിരുന്നു എന്ന് ആലോചിക്കുമ്പോള്..
മാനം അഭിമാനം...കപ്പലു കേറീന്ന് ഞാന് പറയൂല്ലാ....]
വര്മയാണത്രെ വര്മ..
വര്മ്മയുമായി ബന്ധപ്പെട്ട എന്റെ ഒരു പരീക്ഷണം.
പത്തിഞ്ച് വ്യാസവും, ആറടി നീളവുമുള്ള ഒരു വര്മ്മയെ എടുക്കുക. എന്നിട്ട് വലതു കൈയ്യില് ഒരു മൊട്ടുസൂചി എടുത്ത് ഇടത് കണ്ണിന് നേരെ പിടിക്കുക...കണ്ണിലേക്ക് കുത്തുക.. കണ്ണ് പൊട്ടിയില്ല.. കാരണം എന്തെന്നല്ലെ??
വര്മ്മയുടെ കണ്ണില് 2 സെന്റീമീറ്റര് നീളത്തില് ഒരു സെല്ലോട്ടോപ്പ് ഒട്ടിച്ചിരുന്നു.അതിലാണ് ഞാന് മൊട്ടുസൂചി തറച്ചത്..
ഇനി നിങ്ങളും ചെയ്തു നോക്കൂ..അഭിപ്രായം അറീയിക്കൂ....
സന്ദര്ശിക്കൂ..
വര്മ്മ ശാസ്ത്ര പരിഷത്ത്
വര്മ്മ മാജിക് മാജിക്ക്
കീഴ്വായൂര് വിശേഷങ്ങള്
Post a Comment